Í viðtali við Morgunblaðið 13. nóvember kom fram í máli Péturs G. Markan, sveitarstjóra Súðavíkurhrepps, að fyrirhuguð verksmiðja Kalkþörungafélagsins muni breyta atvinnuháttum á svæðinu. Pétur segir verkefnið stórt og að það muni hafa í för með sér ákveðna breytingu á atvinnuháttum í sveitarfélaginu, en jafnframt treysta stoðir þess.
Fyrirhugaðar eru framkvæmdir við gerð hafnarkants,landfyllingar og grjótvarnargarðs til að gera svæðið tilbúið fyrir byggingafræmdir við kalkþörungaverksmiðju á iðnaðarsvæðinu og er kostnaðurinn áætlaður um 500 mkr. að því er fram kemur í Morgunblaðinu 13. nóvember. Jafnframt segir að sveitarstjórnin áætli að 280 milljónir fari í hafnarkant sem verði styrkur af hálfu ríkisins og það sem út af standi, um 250-300 mkr. komi í hlut sveitarfélagsins að fjármagna. Á bæjarvef BB.is 20. desember segir að gert sé ráð fyrir að sveitarfélagið fjármagni þær framkvæmdir með lántöku sem verði endurgreitt með hafnargjöldum sem Kalkþörungafélagið [þ.e. Djúpkalk] muni greiða. Að frátöldum kostnaði hreppsins vegna verkefna sem tengjast Djúpkalki ráðgerir sveitarfélagið að verja um 21 milljón króna á árinu 2019 við ýmis viðhaldsverkefni í hreppnum.
Bragi Þór Thoroddsen sveitarstjóri Súðavíkurhrepps skrifaði áhugaverða grein á Vísi.is 13. mars þar sem hann fjallar um uppbyggingu atvinnulífs á landsbyggðinni og þá sérstaklega þau áform sveitarfélagsins að reisa kalkþörungaverksmiðju í Álftafirði sem hafist var handa við undirbúning á 2014 og raunar fyrr enda þótt lítið sem ekkert hafi gerst síðan þá þótt miklum fjármunum hafi verið varið til verkefnisins. Allt strandi á stjórnsýslustofnunum.
Í frétt Bæjarins besta þann 17. mars, segir að sveitarstjórn Súðavíkurhrepps hafi lagt á það ríka áherslu á fundi sínum föstudaginn 13. mars að stjórnvöld hraði því að afgreiða skipulagsmál og leyfavinnu vegna kalkþörungaverksmiðjunnar í Álftafirði.
Í drögum að samgönguáætlun til 2024 er m.a. gert ráð fyrir að verja 273 milljónum króna til gerðar 80 metra langs stálþils vegna nýs viðlegukants á iðnaðarsvæðinu við Langeyri í Súðavík sem ljúka á 2022.